Nesta segunda edición están participando case 50 artistas, con accións puntuais en diversos espazos de Santiago. Desde o 10 de outubro véñense realizando distintas gravacións que agora se editarán para lanzar nas redes sociais. Son, segundo sinalou a concelleira de Acción Cultural, "como anuncios" promocionais de Compostela, Até o de agora graváronse cinco das sete intervencións culturais programadas, todas elas de diferentes disciplinas artísticas. Está previsto, segundo informou Xacobe Martínez, que se comecen a publicar en internet na última semana de outubro.

O programa completo da Feira, que chega neste 2021 á súa terceira edición, foi presentado en rolda de prensa polo alcalde de Santiago, Xosé Sánchez Bugallo; pola vicerreitora de Igualdade, Cultura e Servizos da USC, Mar Lorenzo; e pola técnica da USC Eva López.

Para poder ofrecer un horario máis flexible e adaptado á demanda e ás necesidades do pequeno comercio, así como permitir que a formación chegue ao máximo número de profesionais, o módulo formativo terá lugar os Martes e Mércores de 19:30 horas a 21:30 horas dende o 26 de Outubro até o 24 de Novembro. Ademáis poñerase a disposición das persoas inscritas as gravacións das sesións formativas para a súa consulta.

No foro as persoas asistentes poderán coñecer e compartir as experiencias de cooperativas como a compostelá Numax, Premio da Cultura Galega 2016 na categoría de Audiovisual; Feitoría Verde ou EntrePedras. Tamén terán presencia as empresas de inserción laboral a través de Anaco, os proxectos de colaboración entre cooperativas e as asociacións que as representan coa participación da Unión de Cooperativas Espazocoop e da Rede de Economía Alternativa e Solidaria (REAS).

En concreto, o Concello xa subscribiu estes acordos coas empresas Alcampo, Día, Froiz, Gadis, El Corte Inglés e Vego-Eroski, pero continúanse as conversas con outras firmas para que tamén se poidan incorporar a esta modalidade de subministración. Nestes establecementos, as familias en situación de vulnerabilidade poderán facer uso de tíckets especiais de compra por valor de 50 euros quincenais no caso de unidades familiares de 1 ou 2 persoas, e de 50 euros semanais no caso de unidades con 3 ou máis integrantes.

O alcalde de Santiago, Xosé Sánchez Bugallo, amosou o "compromiso total e absoluto" do Concello de Santiago cos cinco puntos que recolle o Acordo do Foro Cívico asinado na Cámara de Comercio compostelá en maio de 2019; a industrialización, a intermodal, a EDAR, a mellora das conexións e infraestruturas, e a modernización da administración local.

O obxecto do protocolo de actuación é dotar de formalidade á colaboración entre a Secretaría Xeral de Axenda Urbana e Vivenda e o Concello de Santiago de Compostela, así como expresar a vontade da Secretaría Xeral de Axenda Urbana e Vivenda de tomar en consideración o Plan de acción do Municipio de Santiago de Compostela como proxecto piloto da Axenda Urbana Española como boa prática e experiencia transferible que pode orientar a outros municipios na elaboración dos seus respectivos plans de acción.

Unha análise preliminar de Deloitte sobre o impacto do coronavirus no consumo e a distribución desenvolve esta idea. De acordo á consultora —que explica que non é un informe ao uso, senón material utilizado durante un \'webinar\'— a recuperación do gasto en viaxes, lecer e comercio non chegaría ata pasados o nadal deste ano. O único sector que se ve beneficiado polo confinamento é o gran consumo, que viviu semanas axitadas.

En contra do que puidésemos pensar, esta xeración aposta pola compra física. En concreto, un 57% dos millennials españois afirma que acudir a unha tenda física é para eles un pracer. E entre os principais motivos que esgrimen destacan que prefiren tocar o produto e necesitan probarllo.

Hoxe en día esperamos case calquera cousa da ciencia, a tecnoloxía e o comportamento social. O que antes percibiamos como “radical” agora convértese en algo totalmente “normal”, moi rapidamente. Este feito obríganos a ser moito máis audaces na nosa maneira de pensar e a ter un coñecemento constante e actualizado dos últimos avances no mundo. Xestionar e comunicar un progreso tan acelerado, que a miúdo é incomprensible para a maioría das persoas, será un dos grandes retos do futuro próximo.